«Ай булмаса йолдыз бар»

Спектакльдә автор (Марат Хәбибуллин) үз пьесасының төп каһарманы Мәдинә Сафина (Зөһрә Хөсәенова) белән тартыша. Янәсе ул мелодрама язарга уйлаган булган,ә моның өчен күз яше мул булып агу кирәк.Әмма гаҗәеп хәл: Мәдинә автор теләгенә буйсынырга теләми, авырлыклар алдында сыгылып төшми, күз яше чыгармый. Героеның үссүзлеге белән килешә алмаган автор алдында бер-бер артлы авыр сынаулар куя.... авырган әнисенең хәлен белергә кайтмаган абыйсы Исхакның (Зиннур Һадиев) өйне сатарга җыенуы, туганнарның мал бүлешүе, ана һәм бала, куршеләр арасындагы мөнәсәбәт, мәхәббәте Мирзанур (Рәмис Галиев) образында чагылган ирләрнең көчсезлеге, хыянәте Мәдинәне сындырмасмы?